網紅的藏寶箱做左媽媽成日都提醒自己，試下向家晞嘅角度唸下望下，慢慢我發現原來佢唔係曳，佢只係一個好需要安全感，好想要爸b媽mi陪，好鐘意玩嘅豆丁🙈
曾經我好嬲好嬲試過打佢，只係一下，我已經後悔不迭，我問自己: 難道我想佢驚我咩？ 🤷🏼♀️
我嘅答案係”唔係，我唔想個仔驚我!”
慢慢我反思到我唔係要佢驚我，我係要教育佢，我係要深入了解問題個根源。
我開始用唔同嘅方法同佢溝通，嘗試鼓勵佢表達，比佢有自由同發揮嘅空間！
遇到佢有情緒激動，我會聆聽擁抱！遇到佢唔識控制自己玩到忘形時，我會撤去享受或者特意忽視(上樂啟航教👍🏻)(有時鬥智鬥力真係好攰😂)未必係好成功，但至少建立左彼此間嘅信任同尊重！
人與人相處好奇妙，每個小朋友都有佢個性，特質！教小朋友嘅方法亦都沒有一套特定嘅方程式，只能邊學邊教邊反思。。。
慶幸社會嘅進步，可以了解到不到層面嘅的研究，與孩子一同學習💪🏻
好鐘意我朋友一句話: 仔女好與壞，在乎溝通與關懷😍好老土，但真心正🤤
#有感而發 #感恩 #生命因你動聽 #27個月仍在母乳
#教育真係好複雜 #沒有一套方程式
#母乳媽媽 #hkblogger
Search